Ол 51 жасқа қараған шағында, кенеттен, жедел жүрек жеткіліксіздігі салдарынан өмірден өтті.

Бұл — марқұмның туған-туыстары мен жақындары, бүкіл ұжым, серіктестер және оны танып, бірге қызмет атқарған барша жандар үшін орны толмас ауыр қайғы. Санжар Бахытұлы компаниямыздың дамуына өлшеусіз үлес қосып, әрдайым адамгершілігі биік, үлкен әріппен жазылатын Адам болып қала береді. Ол жай ғана басшы емес, дарынды, парасатты әрі көреген Лидер еді. Оған жоғары жауапкершілік, принципшілдік және адамдарға деген шынайы қамқорлық тән болды. Оны құрметтеді, оған сенді, соңынан ерді. Ол адамдарды қолдап, шабыттандырып, ортақ құндылықтар мен мақсаттар төңірегінде біріктіре білді.

Оның басшылығымен компания қарқынды дамып, нығайып, болашаққа сеніммен қадам басты. Кәсібилігі, стратегиялық ойлауы мен жоғары адамгершілік қасиеттерімен әріптестері мен серіктестерінің терең құрметі мен сеніміне ие болды.

Санжар Бахытұлы тек «Астық Транс» АҚ-ның ғана емес, жалпы Қазақстанның көлік және астық салаларының дамуына да елеулі үлес қосты. Ол «Қазақстан темір жолы» ұлттық компаниясы» АҚ жүйесінде басшылық қызметтер атқарып, «Қазақстанның Астық одағы» және «Қазақстан Ұлттық экспедиторлар қауымдастығы» заңды тұлғалар бірлестіктерінің белсенді мүшесі болды.

Қазақстан Республикасының экономикасын дамытуға қосқан елеулі үлесі үшін Елюбаев С.Б. «Құрмет» орденімен, сондай-ақ «Қазақстан темір жолына 110 жыл» және «Ресей темір жолдары» ААҚ-ның естелік белгілерімен марапатталған.

Жақын адамыңнан айырылу — әрдайым ең ауыр қайғы, оны қабылдау өте қиын. Осы қиын сәтте туған-туыстары мен жақындарын жарқын естеліктер жұбатары сөзсіз.

Санжар Бахытұлының кенеттен өмірден өтуі әріптестері мен қызметкерлері үшін ауыр соққы болды. Оның жарқын бейнесі жүрегімізде мәңгі сақталады. Біз марқұмның туған-туыстары мен жақындарына қайғыра отырып, шынайы көңіл айтамыз.