Қазақстан ауыл шаруашылығында цифрлық технологияларды, жасанды интеллект пен роботтандыруды дамыта отырып, Орталық Азияның жетекші агроөнеркәсіптік хабына айналуға ниетті. Бұл туралы ҚХР бизнес-қоғамдастық өкілдерімен дөңгелек үстел барысында президент Қасым-Жомарт Тоқаев мәлімдеді.
«Біз Қазақстанды Орталық Азиядағы жетекші агроөнеркәсіптік хабы ретінде дамытуды көздеп отырмыз. Бұл мақсатқа жетудің төте жолы – жасанды интеллект, роботтандыру және Industry 4.0 технологиясын енгізу», – деді Тоқаев.Оның айтуынша, Қазақстан екі жыл қатарынан 27 млн тонна астық жинады. Оның айтуынша, қазіргі заманғы технологиялар мен тиімді басқарудың арқасында рекордтық көрсеткіштерге қол жеткізілді.
Президент еліміздегі ауыл шаруашылығын цифрландыру қарқынды дамып келе жатқанын атап өтті.
«Әсіресе, дрондарды, спутник арқылы шолу тәсілін, дәлдігі жоғары егіншілік технологияларын кеңінен енгізіп жатырмыз. Қазір елімізде 200-ден астам агроөнеркәсіп «ақылды ферма» қағидаты бойынша жұмыс істейді. Тағы 650-ден астам шаруашылық цифрлық шешімдерді кезең-кезеңімен енгізуде», - деді ол.Сондай-ақ, республикада ауыл шаруашылығы өнімдерін цифрлық қадағалаудың ұлттық жүйесі әзірленуде, ол өнімнің барлық жолын - егістіктен тұтынушыға дейін бақылауға мүмкіндік береді.
Президенттің айтуынша, сапаны бақылаудың зияткерлік жүйелерін, автоматтандырылған өндірістік желілер мен цифрлық жеткізу тізбегін енгізу еңбек өнімділігін арттыруға және халықаралық стандарттарға сәйкес келуге мүмкіндік береді.
«Біз заманауи логистикалық орталықтарды, автоматтандырылған және тоңазытқышпен жабдықталған қоймаларды қоса алғанда, өнімді сақтаудың озық инфрақұрылымын дамытамыз. Жалпы, бұл салада түбегейлі және ауқымды өзгерістер орын алуда. Қытайлық компанияларды осы бастамаларды іске асыруға белсенді қатысуға шақырамыз», - деп түйіндеді Тоқаев.Дереккөз: https://eldala.kz/kz/novosti/kazahstan/25141-kazahstan-nameren-stat-vedushchim-agrohabom-v-centralnoy-a...
