«Азық-түлік корпорациясы» ҰК» АҚ Қазақстанның солтүстік өңірлерінен Түркістан облысына азық-түлік бидайын жөнелту жұмыстарын бастады. Шілде айының соңына дейін оңтүстік өңірге жергілікті сұранысты қамтамасыз ету үшін 20 мың тонна астық жеткізу жоспарланып отыр.20 шілдедегі жағдай бойынша Түлкібас кентіндегі элеваторға 14,8 мың тонна бидай жөнелтілді. Оның ішінде Ақмола облысынан жеткізілген 3-сыныптағы 9,6 мың тонна және Солтүстік Қазақстан облысынан жөнелтілген 4-сыныптағы 5,1 мың тонна бидай бар.
Өңірлер арасындағы астықты қайта бөлу қажетті қор деңгейін сақтауға мүмкіндік береді және өз өндірісі шектеулі аймақтарда сұраныс артқан жағдайда оларды уақытылы астықпен қамтамасыз етуге бағытталған.
Сонымен қатар ұлттық астық операторы астықты тауар биржасы арқылы өткізуді жалғастыруда. 2026 жылдың мамыр-шілде айлары аралығында биржа алаңы арқылы құс шаруашылығы, мал шаруашылығы, ұн тарту және басқа да кәсіпорындарға 91,0 мың тонна астық сатылды.
Құс және мал шаруашылығы кәсіпорындарын қолдау мақсатында 4-сыныптағы бидай белгіленген бағамен сатылуда.
Компания мәліметінше, ішкі нарықты қамтамасыз ету үшін азық-түлік бидайының қоры жеткілікті, ал қажет болған жағдайда жеткізу көлемін ұлғайтуға мүмкіндік бар.
Дереккөз: https://agrosearch.kz/kk/news/prodkorporaciya-nacala-postavki-psenicy-v-turkestanskuyu-oblast
