Түркия 2024 жылы Қазақстаннан 141 мың тонна жасымық импорттады, ал ағымдағы жылдың тоғыз айында экспорт көлемі 226,8 мың тоннаға жетті. Сонымен қатар, Қазақстан биылғы маусымда дәнді-бұршақты дақылдардың рекордтық өнімін алды. Азық-түлік корпорациясы басқарма төрағасының бірінші орынбасары Ильдар Исмагулов Түрік астық басқармасының (ТМО) бас директоры Ахмет Гулдалмен жасымық және басқа да ауыл шаруашылығы дақылдарының экспортын одан әрі кеңейту мүмкіндіктерін талқылады. Бұл туралы Азық-түлік корпорациясының баспасөз қызметі хабарлады.Әріптестер қазақстандық шикізат сапасы, жеткізілім тұрақтылығы және құрылған логистикалық бағыттардың арқасында тұрақты сұранысқа ие екенін атап өтті.
«Қазақстан егістік алқаптарын әртараптандыру саясатын жүргізіп келеді, бұл тиімді болып табылады. 2025 жылы дәнді бұршақ дақылдарының өнімі алғаш рет 1 млн тоннадан асты, оның 80%-ы жасымық болды. Азық-түлік корпорациясы ТМО қажеттіліктеріне сәйкес азықтық бидайды, дәнді-бұршақты және майлы дақылдарды қоса алғанда, агроөнімдердің кең ассортиментін жеткізуді қамтамасыз ете алады», — деді Ильдар Исмагулов.Ол сондай-ақ Қазақстанның астық нарығындағы ұлттық оператор ұзақ мерзімді келісімшарттар шеңберінде түрік серіктестерімен тығыз өзара іс-қимылға дайын екенін айтты.
Түрік мемлекеттік астық басқармасы (ТМО) Азық-түлік корпорациясының қызметіне ұқсас қызметтерді орындайды. ТМО астық өндірісін қаржыландырумен, мемлекеттік резервке бидай сатып алумен және ішкі нарықта тұрақты бағаны ұстап тұрумен айналысады.
Дереккөз: https://eldala.kz/kz/novosti/zerno/23499-prodkorporaciya-vedet-peregovory-ob-eksporte-rekordnogo-uro...
