Қазақстанда 2026 жылғы 1 ақпандағы жағдай бойынша дәнді және бұршақ дақылдарының қоры 17 млн 112 мың тонна көлемінде есептелді, оның ішінде бидай – 13,9 млн тоннадан астам. Бұл туралы Ұлттық статистика бюросы хабарлады.Астықтың жалпы көлемінен азықтық қоры 14 млн тоннаны, тұқым – 1,3 млн тоннаны және жемшөп – 1,7 млн тоннадан асты.
Азықтық бидай қоймаларда 12 млн тоннадан астам, тұқым қорында 1 млн тоннадан астам, жемшөп 687,6 мың тоннадан астам болды.
Статведомствоның мәліметінше, ауыл шаруашылығы өндірушілерінің қоймаларында 7 млн 364 мың тоннадан астам астық, элеваторларда – 4,3 млн тонна, фермерлік шаруашылықтарда – 3,4 млн тонна, көтерме саудагерлерде – 196,5 мың тоннадан астам, органикалық химиялық заттарды өндірушілерде – 23,6 мың тоннадан астам, жем өндірушілерде – 177 мың тоннадан астам астық болған. Ұн тартқыштардың қоры 1 млн 323 мың тоннадан астам және басқа заңды тұлғалардың 294 мың тоннадан астамын құрады.
Айдың басында арпа қоры 1 млн 863 мың тоннадан асты: 870 мың тонна – азықтық, 168 мың тонна – тұқым және 824,7 мың тонна – жемдік.
Сонымен қатар, Қазақстанда жүгері қоры 138,5 мың тоннаны, күріш – 222,6 мың тоннаны, қара бидай – 15 мың тоннаны, сұлы – 198 мың тоннаны, қарақұмық – 70,6 мың тоннаны құрады.
Естеріңізге сала кетейік, 2025 жылы Қазақстанда астықтың 27,1 млн тонна өнімі жиналды, ағымдағы жылы орташа өнімділік 17 ц/га-ға жетті (2024 жылы 16,2 ц/га болды). Оның ішінде бидай 16,6 ц/га өнімділікпен 20,3 млн тонна бастырылды. Бұл өткен жылғы деңгейден 0,5 миллионға көп, дегенмен дақылдарды әртараптандыру аясында бидай егістігі шамамен 900 мың гектарға азайды.
Дереккөз: https://eldala.kz/kz/novosti/zerno/24138-zapasy-zerna-v-kazahstane-prevyshayut-17-mln-tonn
