«Астық Транс» АҚ жаңа маркетингтік маусымға астық тасымалдауға арналған дайындалған вагондар паркімен және дәнді әрі майлы дақылдарды тұрақты тасымалдауды қамтамасыз етуге бағытталған ұйымдастырушылық шаралар кешенімен кірісуде.
Жаппай егін жинау кезеңінде көлік инфрақұрылымына түсетін жүктеме дәстүрлі түрде артып, жүк жөнелтушілердің астық тасымалдауға арналған вагондарға деген қажеттілігі айтарлықтай ұлғаяды. Мұндай жағдайда үздіксіз жұмысты қамтамасыз етудің негізгі факторларының бірі – сапалы алдын ала жоспарлау.
«Астық Транс» АҚ клиенттерді астық тасымалдауға арналған вагондарға деген қажеттілікті алдын ала айқындауға және жүк тиеудің елеулі көлемін жекелеген кезеңдерге шоғырландырмай, өтінімдерді алдын ала беруге шақырады.
Қолда бар ресурстарды тиімді пайдалану көбіне өтінімдердің уақтылы берілуіне және мәлімделген көлемдердің біркелкі бөлінуіне байланысты. Үйлестірілген жоспарлау және жүк тиеу көлемдерін біркелкі бөлу қолда бар вагондар паркін ұтымды пайдалануға, сұраныс ең жоғары кезеңдерде астық тасымалдауға арналған вагондар тапшылығының туындау қаупін азайтуға және жылжымалы құрамның тиімді айналымын қамтамасыз етуге мүмкіндік береді.
«Астық Транс» АҚ жаңа маркетингтік маусымға дайын
Внизу страницы
